1960-1964-cü illərdə “Sirab” mineral su yatağında dəqiq geologi kəşfiyyat işləri aparılmış, üç tip su almınmışdır, ilk dəfə olaraq yatağın su ehtiyatları hesablanmış və 1968-ci ildə Moskvanın Dövlət Ehtiyatlar Komissiyasında təsdiq edilmişdir. Aşkar olunan mineral suların bazası əsasında 1968-ci ildə Azərbaycanda ən böyük mineral sudoldurma zavodu istifadəyə verilmişdir.

Yeni tikilmiş “Sirab” mineral su doldurma zavodu əvvəlki hövzədən, yəni Şorsudərəsindəki 8 №- li quyunun “Sirab–8“ hidrokarbonatlı natriumlu suyundan istifadə etyməyib, Kəlbəağıl hövzəsindəki “Sirab–12“ quyusunun suyunu şüşələrə doldurub, kütləvi istifadəyə verdi.

1983-cü ildə “Sirab” mineral su yatağında Şorsudərə ərazisində 1-k və 3/83 quyuları qazılmışdır. Əsas məqsəd karbonqazlı, yeni tipli mineral su almaq idi.

1982-ci ildə “Sirab” mineral su zavodunun sifarişi ilə 2-k/82 N-li kaptaj quyusu “Azərbminsugeokaptaj” respublika ekspedidiyası tərəfindən qazılmışdır.

Quyunun qazılmasında əsas məqsəd mineral suyun yer səthinə sərbəst çıxmasını təmin etmək və suyun israfçılıqla istifadəsini məhdudlaşdırmaqdan ibarət idi. 2-k quyusu 12 saylı quyudan 25 m məsafədə qazılmış və 250 m dərinlikdə debiti 1250 m3/sutka olmuşdur.

“Sirab” mineral sular zavodu keçmişdə Naxçıvan MR-nln əsasən Azərbaycan SSR-in iqtisadiyyatında önəmli yerlərdən birini tutmuşdur. “Sirab” mineral suyu keçmiş SSRi dönəmində öz əhəmiyyətinə və tərkibinə görə mühüm yer tuturdu. Sirab mineral suyuna keçmiş Sovet respublikalarında böyük tələbat var idi ki, bunun da əsas səbəbi “Sirab“ mineral suyunun süfrə olmaqla yanaşı həm də müalicəvi əhəmiyyətə malik olması idi.

Sovet İttifaqının dağılması ilə əlaqədar olaraq müəssisələrin iqtisadi əlaqələrinin pozulması nəticəsində “Sirab” mineral sular zavodunun istehsal gücü tam sürətlə aşağı düşmüşdür ki, bunun da əsas səbəbi Naxçıvan MR – nin blokada şəraitində yaşaması olmuşdur.

“Sirab” mineral sular zavodunun fəaliyyəti olmadığından uzun illər baxımsız qalaraq, orada olan avadanlıqlar tam olaraq sıradan çıxmışdır.

Ümummilli dahi liderimiz H.Əliyev cənablarının Azərbaycan Respublikasında sahibkarlığın inkişaf etdirilməsi üçün böyük əməyi olmuşdur. Bunun nəticəsidir ki, “Sirab” mineral sular zavodu Naxçıvan MR, İqtisadi İnkişaf Nazirliyinin qərarı ilə 14 iyul 2003-cü ildə Açıq Səhmdar Cəmiyyətinə çevirilmişdir. Babək “Sirab“ ASC-nə çevrildiyi ilk gündən zavodda tə`mir - tikinti işlərinin layihə smeta sənədləri hazırlanmış və demək olar ki, nəzərdə tutulmuş işlərin 100% yerinə yetirilmişdir. Zavod Səhmdar Cəmiyyətə çevrildikdən sonra zavodda yenidənqurma işləri aparılmış, sex binası, inzibati bina, köməkçi sexlər təmir və ya bərpa edilmişdir. Babək “Sirab” ASC-i bir sıra Avropa firmaları ilə əlaqə yaradaraq yeni, müasir avadanlıqlar almışdır.

Hal-hazırda zadodda məhsul istnehsal edən iki sex fəaliyyət göstərir. Həmin sexlərin birində 3 texnoloji xətt quraşdırılmışdır. Həmin texnoloji avadanlıqların köməyi ilə müəssisədə standartlara uyğun olaraq müxtəlif çeşiddə o, cümlədən 0,2 lt şüşə butulka, 0.5 lt tac qapaqlı şüşə butulka və 0.5 lt yivli qapaqlı şüşə butulka, II sexdə isə 0.25 lt , 0.5 lt, 1 lt və ya 1.5 lt pet butulkalara “Sirab” mineral suyu doldurulur. Həmin xəttlərdə dünya standartlarına uyğun olaraq keyfiyyətli məhsul istehsal olunur.